--ذكراياتي مع صديقي سراق الزيت --بقلمي المسروق

السلام عليكم

واحد النهار كالت لينا المعلمة دير استجوابات مع الناس فالشارع

خرجت للشارع وبديت تانسول وتانسجل

تانسول الناس على الحيوان اللي تاربيوه

1-عافاك شنو تاتربي فالدار
انا تاربي الحمام .الحمام زوين وبنين

2-وانت اشريفة شنو تاتربي
انا اولدي مرة الصبار مرة بابونج امزيانين للوجه

3-وانت البنت .شنو تاتربي ؟
انا تانربي قطة صغيرة جميلة أليفة

4-وانا نطيع فواحد القلدة...شنو تاتربي اسيدي
قالي:يا علا سؤال تاتفلا عليا
معلوم تانربي ولادي
وسير قبل من سرحك سير

-------------------------------------------

اتشوكت اعباد الله زعما تشوقت بغيت نgول
تايانا Gلت نربي شي حيوان
بقيت حاير حتا شريت كوكوروتش
زعما بودارع ..سراق الزيت
اولي اعباد الله الناس تاتربي الكلاب.. القطوط
وانا مربي سراق الزيت

واحد النهار بغيت ندير لراسي الشيشوار
مابغاش يخدم ..فتحته وانا نلاقاه تما ماشي court circuit والقيت
سراق الزيت ..تنويت أنا
واش سراق الزيت فيات داز فمنتدى الاجهزه الصوتيه و المرئيه
دار تخصص تريسيان العجب هادا

واحد الليلا ضرني الجوع حليت التلاجا حليت البواطا ديال الفروماج
اولي اعباد الله واش عمركوم ماشتو سراق الزيت فايت معاشر مع الفيران
واسلا الفرماج اللي تاندوز بيه سيمانا

واحد النهار كرهت دخلني الفضول ..قلت نمشي نشوف شنو ديار فداك السجنة فين ساكن
وانا نلقا السلوكا والزيت والطحين والكومير والفرماج....الخ
تنويت انا واقيلا بدل الكنية
مابقاش سراق الزيت
ولى سراق التغذية العامة
فكرتوني دابا نمشي نبدلها فلاكارط ديالو

صافي كرهتو قلت نمشي نبيعو ..واكليت العصا اللي عمرني ماشفتها
ومالين الحيوانات دارو عليا ثورة ..جراو عليا
يت بيت دار دار زنكة زنكة ....
مابفاتش اقتولو الجرذان بحال القذافي
ولا اقتلو سراق الزيت .............ومولاه ..شدوهم لا تخافو منهم

صافي منتما تفارقت انا وسراق الزيت ..
رجعت الدار غضبان..الولف وما يدير

ونا لقاه فدار مطلع واحد البلاكا
سمحلي اشاف عمرني مانعاود ..من دابا لفوق غانبقا ناكول غير زيت زيت زيت زيت

مسكين تايقطع فلقلب ..سمحتلو
دازت سيمانا وهو يرجع لعوايدو
الصداع واحد الليلا ..مشيت للسجنة ديالو ونا لقا لا بواط ..النمل تايشطح .وانا لقا واحد بواطا ديال السردين تاطلق الموسيقى
عييت مانقلب شكون هاذا مولاها وانا لقا ذبانة ...

تاهادو زادني همهم عاوتاني

ممنوع النقل ..جميع الحقوق محفوظة 2011