ها واحد السلام عليكم
هاد النهار غايديرو فدوزيم الوجه الاخر على البيراتاج في المغرب
نبداو بهاد المشكل هو اللول :واش فخباركم بلي المغرب هو نمبر وان n 1 فالپراتاج
وادبا تصورو معيا كولشي تاتيبيراطا حتى الأخبار والنشرات الجوية
دابا نتا خارج مع 10 ديال الصباح للشارع ..حتاتيخرج ليك واحد بالسيديات ..تايقولك هاك تفضل الأخبار ديال
12:45 من تقديم وديع دادا ..اشوف هادي 10 والاخبار مغا تبدا حتى 12 وهو بيرتاها ودار لها لغلاف
وباعها
الله يحفظ وصافي
صافي بلا منطول عليكم نخليكم حتى تفرجو ف البرنامج مع العاشرة وشيحاجا..
فالمغرب الغاميلة غادا وتاتكبار (الكوكوت - القصرية-الطنجرة...)
تاتبدا من الموضف الصغير وهي تاتكبار ..تاتكبار وصولا عند top المدير ..تتلقا عندو gاميلتو قد البرما ديال
الحمام ..زعما العراسات( تايتخالطولي محث بجوجهم فيهم بنادم بزاف)
وخاشي فيها راسو بحال الحلوف وحالف لا دوق شي واحد.
والطريقة باش تانحلفو ماكاينش ختها ..ففرانسا الى بغا شي واحد احلف كيكول JE TE JURE SUR LA TETE DE MA MERE
حنا لا منين تانجيو نحلفو تانعايرو :الله يعطيني العما فعينيك اصاحبي اما سرقتك
ههه وزايدها بالسبان..
باش تعرفنا مgردين ماكسبوش الريال ..تاتجي تسول شي واحد شحال فالساعة
كايقوليك :الساعة لله ولا تايقول:والله مكنكسبها ...
او مكينش حسن من الموعد المغربي(رونديفو) دابا الأروبي كيكول ليك نتلاقاو غدا معا السبعة 7 فالصباح تعطلتي عليه غير دقيقة كاتلقاه واقف عليك غضبان أو مخنزر ...حنا الا شي وحدين دابا الى بغاو اتلاقاو غدا
تايقولو 7 ديال ديال الصبح عقل معايا ديال الصبح
جات 7 دصباح جات 12 جات 6 جات السبعة واخيرا
ياك درتي معيا 7 دصباح
هداك تاينكر :ياك تانقولك بدا تحل ودنيك مزيان
راني درت معاك 7 ديال الليل ههه
والاشاعات عاوتاني مانعودش ليكم --زيدو حتا هادي ف عادات الناس ..تياقولك والله مانعودلكم :داكشي داز مزيان..تياحلف بالله وتياعاودليهم--
قالي واحد صاحبي هاك ها واحد الاشاعة ومنبعد قالي سير العيون غدا غاتلقاها تادور ..العفو الله
هادي واحد السمانة كنا تانقراو انتشار الضوء وحنا نتفاجؤا ..ساد بدا تايبرهن بلي الاشاعة اسرع من الضوء
وخلاص الدفاتر فاش تانقراو ..الفهد..الكتبية
فاش كنت تانقرا في التحضيري
سولاتنا السادا اين يسكن الفهد؟
وهو يجاوب واحد الدري:يسكن الفهد في الدفتر ديال درهم ونص
الحاصول راكم عارفين شناهوا الحاصول بلا منطول عليكم
الحاصول سميتي ابراهيم
الله يعاون
موضوع: مغربي وافتخر بالدارجة المغربية --بقلمي المغربي Bic 
الأحد 17 أبريل 2011 - 2:07
