السلام عليكم ورحمة الله وبركاته
بالمغرب كلمة القوالب لها أكثر من وظيفة ومعنى ..نأخذ على سبيل المثال
قوالب ديال السكر..قوالب السخانة..قوالب ولاد الحومة..قوالب الحلوة..
1-اجي نسولكم ماعمركم ماشتو شي صاروخ ابيض؟ههه قولو؟ ساين نذوق هاذ الصاروخ ...حلو ولذيذ أكيد عرفتوه انه قالب السكر حجم كبير الواحد منين تايجي يخطب ..تايدي معاه قوالب سكر..هازهوم على كتفيه بحال البناي هاذ القوالب عندهوم 2 وظائف اولا:منهم قوالب يخطب بهم -الهدية- ثانيا:زعما راه خذام وعندو فلوس..مايجيش يخطب بيديه خاويين وكاينا وظيفة 3 غير ثناوية تاتوقع نادرا..في حالة اب المرأة مابغاش يخطبها لشي واحد داك الراجل تارجع عسكري ..تايحساب القوالب قذائف صاروخية وتاتنوض الحرب العالمية 3 2-ندوزو القوالب ديال السخانة هادو مكانهم فشي بلايص....أماكن ........ واحد الأم وصات ولدها الحمق "هذا الدواء يوضع بعيدا عن متناول الأطفال أقل من 3 سنوات" خرجات السيدة. الحمق بدا تايفكر :ياك انا فعمري 15 عام "الا كان العقل ينفعني" اذا هاد القوال فمتناول اكثر من 3سنوات...راكم عارفين شنو دار قبط القوالب كلاهم وتبعهوم بالحريرة يا الحمق فين عمر القوالب كانو تاياكلوهم المرضى... 3-وكاين قوالب ولاد الحومة "مقالب" تايطوبو على شي دري مسكين تايقشبو عليه مزيان ...تايقولو ليه :سير جيبلينا قوالب الحلوة ديال مي عيشة.. دري مسكين دارها بصح..سرق قوال الحلوة ..أكل النصف في الطريق... طلعاتلو سخانة ..الله ينجيكوم وينجينا... 4-ومنين جمعنا 1و 2و3
من الأخير الى الأول (3----1)
استنتجنا:
سخن رأس مسعود الحمق بعدما أفرط في تناول قالب الحلوى ونالت منه قوالب ولاد الحومة...فأكل قوالب السخانة مع الحريرة لكي يبرد رأسه..وناضت الحرب بينه وبين أمه بعدما علمت بالأمر باستعمال صواريخ قوالب السكر grand format تحياتي :ابراهيم
ردود من فضلكم