~~ إلا بغيتي تبان ف التلــفــزة ~~

حاس براسك عظامك ثقال عليك؟؟و باغي تتفرشخ شي شوية؟؟

حاس بهرمون الكرامة زاد عندك بزاف هاذ الايام؟؟

ما عليش، عندي ليك الحل باش ترجع انسان اكثر من عادي..

سير عند الساطة ديالك اللي كتعيق عليها

جمع الوقفة و بان قبيح و مغوبش

بحال ايلا غادي تدير شي حاجة مهمة بزاف

و قول ليها اليوم تشوفك ف التلفزة.





سير عند الوالدة ديالك و عنداك تطلب منها الرضا.. باش تصدق ليك

البلان هو هاذاك و سلم عليها و قول ليها تشوف التلفزة..

سير للقهوة و سلم على الجميع بحال ايلا كتوادع معاهم

و اللي شفتيه قول ليه يشعل التلفزة اليوم راه خنشوشك غ يبان فيها.

جمع صحابك و خوتك و وصيهم يذيعوا الاخبار ف الدرب

راك اليوم غادي تبان ف التلفزة

وجد راسك و عنداك تخاف ..ما تخاف ما تدهش.



كون راجل.. تفركس مزيان و دير الريحة..

من الاحسن خوذ معاك gـاع الصرف اللي ف جيبك.. و ايلا كانت

عندك شي سليسلة ديال الذهب ولا جالوق ديرها ما فيها باس..

شد ليك طاكسي صغير و سير gـود للتيران نهار ماتش الديربي

غادي يكون عندك الزهر لا كان الماتش ملعوب ف الرباط

جلس مع راساتك معزز مكرم حتى يسالي الماتش

و ذيك الساعة ف وقيتة ديال الخرجة سير حدا جمهور الفرقة الخاسرة

و بدا تشجع الفرقة الاخرى و شمت فيهم

ما تخافش اخويا حيت ذيك الساعة غادي يعطيوك شي بركة ديال العصا

و لكن هاذ الشي ما كافيش ..شي ما درتي..

سير عند الجمهور الاخر و قول ليهم ربحتونا بلاربيط يا الشمايت

و بدا فمك و ما جاب..بالزربة غادين يجيبوك للارض و غادي يديرو

رجل من الفوقانية..واش باركا عليك

عارفك غادي تقول لا..



قلب على المرود و دير ليهم شي حركة بيديك ملي يشوفو فيك

ما غاديش يديروا شي حاجة بزاف..غادي يسيريوا فيك صبابطهم..

و بطبيعة الحال هاذ الشي كلو و نت كتسمع احسن سمفوكية من سمفوكيات الخاسر

اش منك يا طواسل ..و اش منك يا جدود ..واش منك يا معيار..

ما تخليش هاذ الشي ياثر عليك و تتراجع ..خليك راجل..

دابا نتا سخنتي شوية بهاذ ليشوفمون..

يالله نوض جمع راسك و سير للجيهة الاخرى..



راهم شي رباطيين واقفين محنسرين ثمة ..كيقلبوا على شي فيكتيم..

يالله نوض راه حشومة تخليهم يتسناو

هوما صراحة غادين يقوموا معاك بالواجب و اكثر

و لكن لا بغيتي تزيد ليهم لا دوز و ينشطوا مزيان

قول ليهم واااااااالعاصمة....

و قبل ما تكمل غادي تحسب سنانك قدامك..و غادي يخلطوا ليك الليل بالنهار..

القويميجة اللي تسلفتيها من عند خوك بالطليب و الرغيب ولات شرويطة..الصرف طار..

و السليسلة بقات ف بلاصتها غير واحد لاطراس ديال ظفار ..


و مالك اخويا على هاذ الحالة كاملة..مالك غير اللي قال ليك شي حاجة تصدقوا

سير تكمش ف داركم و دير شي براد ديال اتاي و شي طرحة ديال المسمن

و تفرج ف التلفزة معزز مكرم ..اللهم تصبر على صوت ولد شهيبة

و لا تصدق مفصل بياسات ف التيران